Mānawa mai ai te putanga o tēnei ariki

Mānawa mai ai te ūnga o tēnei tauira

Ka eke te reo ki runga,

Ka eke ki Maunganui

Ka poua ki raro,

Ka poua ki Tauranga,

Te pou tū nui, te pou tū roa,

Te pou o tēnei kaupapa ka mau,

Ka whēuka, ka īta...

Tēnei te whatu kei a au,

Te whatu kei a koe,

Te reo tu te whiwhi ā nuku,

Te reo tū te whiwhi a rangi,

Kei te whiwhia i waho,

Kei te rapua i roto,

Puritia mai i waho,

Tāwhia mai i roto,

Tēnei te mauri o te reo ka whakapiki,

Tēnei te mauri o te reo ka whakakake.

Ko te reo ka tipu, ka rea, ka pū,

Kei waho ki te whai ao,

Ki te ao marama,

Uhi, wero, haramai te mauri,

Haumi e, hui taiki e!