Āio ki a Io Matua Kore
Āio ki te ira Tānemahuta
Āio ki te ira ahu mai i te one
Āio ki te ao marama
Tīhei Mauri Ora
Āio ki a Io Matua Kore
Āio ki te ira Tānemahuta
Āio ki te ira ahu mai i te one
Āio ki te ao marama
Tīhei mauri ora
Āio ki te ao marama
Tīhei mauri ora...
Kia kaha tātou
Ki te (HĪ!) kōrero Māori!
E minaka ana taku waha
Ki te kai a te rangatira,
Taku reo rangatira
Taku kuru pounamu tuku iho
Mīharo kē ana
Ki tōna pakari kia ora
Te memeha, te wairua
Ki te kōrero Māori
Kia kaha tātou
Ki te kōrero Māori!
E ngā iwi e haere mai
Haere mai, haere mai e ngā iwi e
Haere mai ki runga o te marae
Hui mai tātou katoa
E hine mā, e tama mā
Hāpaingia te mana Māori e
Kia rewa i runga rawa
I a haha e nga iwi e
Haere mai, haere mai
E nga iwi e haere mai, haere mai
E rongo tonu ana ahau i te korokī a ngā
manu
I te ketekete a te pēpeke I te pūpuhi a te hau I te whirowhiro o ngā tai
I te haruru o ngā ngaru o te moana
I te wāwara a ngā rau I te mapu o te whenua I a koutou katoa
E ōku pāpara, e ōku hākuikui e hoki – hoki
mai rā
Taku mōrikarika nei aue Taku mōteatea e Ki te tai marangai mōtītī Ki te tai marangai mōtātā Ki te ira tangata x 2
Pūpuri manakohia mai ngā tikanga tuku
iho
Poipoia mai rā Penapena haere e Mō ōku pā tūwatawata
Ōtūmoetai, Ōtuatara e tangi apakura nei Ōreanui, Matuaiwi, Kaiarero – e ngaro nei
Taku mōrikarika nei aue Taku mōteatea e Ki te tai marangai mōtītī Ki te tai marangai mōtātā Ki te ira tangata x2
Kia mau ki ngā kōrero, ki ngā oati
A kui mā, a koro mā
Ākina tō mana kia manaaki ngā kupu
Kia tāwhia mai kia ita Mō ake rā...x2
He aumihi a ngākau He aumihi a wairua Ki ōku tipuna e Ki ōku tipuna e...
E whakamānawa atu nei
E te pono nihowera
Anō te ranea
Anō te humi o tahuaroa
Hei whakawheti i a Takapū,
(Taku puku)
Tē kīia ai he mākihakiha
Engari kē ia he makue, he hūnene
Hei mohukihuki i a Tako
Nei rā te reo uruhau o tūao
E whakamānawa atu nei
(W) E whakamānawa atu nei
(T) Anō te makue, anō te hūnene
(K) Hī!
He Honore
He korōria
Maunga rongo ki te whenua
Whakaaro pai e
Ki ngā tāngata katoa
Ake ake, ake ake, āmene
Te Atua, te piringa, tōku oranga
Hine tangi manawa
Hine tangi manawa ki ahau
Hine arohaina e te tau
Mē pine ai te pine pai
Wairua o te arohā e
Tama tangi manawa ki ahau
Tama arohaina e te tau
Mē pine ai te pine pai
Wairua o te arohā e
Wairua o te arohā e
Hoki hoki tonu mai
Te wairua o te tau
Ki te awhi reinga
Ki tēnei kiri e
Ka pinea koe e au
Ki te pine o te arohā
Ki te pine e kore nei
E waikura e
Ka waiata ki a Maria
Hine i whakaae
Whakameatia mai
Te whare tangata
Hine pūrotu
Hine ngākau
Hine rangimarie
Ko te whaea
Ko te whaea o te ao
Uia mai rā ko hea te whare nei e
Ko Te Whare-reo o Tūkarere
Taku whare-kōrero,
Taku whare-tikanga,
Taku whare okioki e
Ko te tūāpapa
Ko ngā tikanga a rātou mā
Kia pūmau ai, kia tika rawa ai te tū o taku whare
Ko te Tāhūhū
Te mātauranga a ngā tūpuna
Te aronga whānui e
Heke iho, heke iho
Ki ngā poupou
Ngā poukōrero
Ngā poutāwharau
Ngā pou o te ako e
Ko Te Poutuarongo
Ka whakatōngia te mauri o te reo
Kia tiritiria kia poupoua ki Te Pūtaketanga e!
Te Poutokomanawa
He maunga wairua
Ka tokona te reo ki te whatumanawa
Tokotoko! Titia! Ko Te Rōnakitanga e!
Ko Te Poutāhū
Ka wānangahia ngā whakairinga kōrero
Ngā whaka-rākei
Ngā whaka-niko-niko
Hei tikitiki mōu, mō Te Aupikitanga e
Ka korowaitia ki ngā kura o tēnei kaupapa e
Ka kake atu koe ki runga i te whare
Hei tekoteko, hei poutiaki
Ko Te Pīnakitanga e… Tau ana!
He kororia hareruia,
Kia ihoā o ngā mano,
Ko te kāhui ariki wairua,
Ko te māngai hei tautoko mai
Te ārepa...te ōmeka...
Tautokohia mai te roopu nei
...Piriwiritua .....
Hamuera..
Ka puta ..ka ora e
Moe mai e hine/tama
I tō moenga roa
Raro i te rata
Mokemoke ai
Mā te Atua
Koe e tiaki mai
Moe mai e hine/tama
I tō moenga roa
Anei ko Hone Heke e
Ko wai rā te tangata nei
I whakanene atu
He rangatira nō Ngāuhi
Anei ko Hone Heke e
Anei ko Hone Heke e
Ka karanga mai, karanga mai, karanga karanga karanga mai
Ko te whakatauāki (Waikato)
Waikato te iwi (Waikato)
Waikato te awa (Waikato)
He piko he taniwha (Waikato)
Tainui rā te waka (ua)
Nohau rā te mana (ua)
Ko koe te tangata (ua)
Tīhei mauri ora (Hi) Tūheitia, Tūheitia, Tūheitia
Haere mai ki ahau ki Maniapoto e
Haere mai i Ngāherenga ki te moenga, Pukeroa
Ko taku rourou iti a haere, maringi kai whenua
Ko taku rourou iti a haere, maringi kai moana
Haere mai ki ahau, ki Maniapoto e
Haere mai ki ahau, ki Maniapoto e
Tēnei mātou e tū atu nei
Ki te whakangahau
Ite ope nei e te iwi
Auē, Auē
Puritia rā, tō mana Māori e
Hei tohutohu i roto i tēnei wā
Te Whenua
Te whenua e takoto nei
Mai Maungapōhatu ki Ruatāhuna e
Ko Tarapounamu
Huri ai te whenua
Ka ū ki Ruatoki e
Te wikitōria i runga i te aroha
E ngā iwi e, aku mihi e
Kia ora koutou katoa
Apanui e, hikitia rā
Whītiki, whakatika rā.
Ruāwharo
Ruāwharo
He tohunga nui, he tohunga māia
Ki tōnā iwi e
I hoea mai rā
I tawhiti nui, tawhiti roa
Tawhiti pāmamao
Kia kite rawa i te pari o te rā
Ngā pipiwai Oraka
Ngā oneroa o Te Māhia (e)
Hurihuri noa ka wawata noa
Kei te wawata ahau e
Mō aku ōhāki
Kia hoki mai
Te puna waiora
O aku raukura taukurī e
Kua tae rā ki te wā
E rapu ai ahau te oranga
Homai rā ki te kapu o aku ringa e
Ngā taonga aroha te mana e
Te aroha, te pono, te aroha, te pono.
Haramai mai rā, haramai rā
Taku taniwha – hi hi hā
Hāpai, hāpai, hikitia rā
Hei hā, hei hā, hei hā, hī!
Paikea, uuuuu
He ariki he tipua
He ariki he tipua e
Paikea Paikea Paikea
He tamatoa nō Uenuku e
Ngā whakatipuranga mo te tau rua mano
Kia whakaoti ai ngā tūmanakotanga
a te iti, a te rahi e x2
Maranga Te Waipounamu
Pōhiritia ngā iwi
He reo karanga
He reo pōhiri
E ngā iwi o te motu
Haere mai
Haere haere mai
Hī hā hī
Nau mai Haere
Maungaroa
Nau mai Haere
Kia kite koe i wai hīhī
Kia kite koe i wai hāhā
Te makeretanga o tōna ure
Ki roto i te wai o hī hā
Ana ana auē x 2 Hiiii!!
Tiua atu taku manu kōrero
Hei kai māhau te whetū,
Hei kai māhau te marama,
Piki tonu, heke tonu, ika-roa ki te rangi,
Hī auē, Hī!
Ka kūtia! Au!
Ka wherahia! Au!
Auē kua tukitukia!
Tukitukia - Tukarere,
Tukitukia - tukua kia rere,
Ka rarapa ki te rangi,
Te kanapu i raro rā
Tau, tau
Kī taurangi e
Ōtāwhao e koro tū mai rā
Whakairo, tukutuku, raranga
Te maru o te timatanga
He rau ringa i oti ai e
Apakura e kui ka mihi
Rūruhi whare nō te mano tini
Auē, auē, auē te aroha
I roto i ahau
Whāia te kotahitanga
Whakapono ngā ture
Engari ko te mea nui
Ko te aroha
Rongo Wētere te tangata
I kōkiri mai i te matauranga
E kore e wareware e
Kia ora rā
Hikitia te tauira ki runga
Hapainga mai ōna wawata
Hei oranga mō ngā iwi e
Puta noa i te motu
Whāia te kotahitanga
Whakapono ngā ture
Engari ko te mea nui
Ko te aroha
Solo) Engari ko te mea nui
Katoa) ko te aroha...ā..Hī aue hī!!!
Piki mai, kake mai
Whakarongo ki te tangi
a te huia hui hui mai tatou
Whitiwhiti kōrero, whuia ki te ao e
Hei mātakitaki, hei whakarongorongo
Mā te tini mē te mano e
Horoia e te ua
Whitiwhitia e te rā
Mahea ake ngā pōraruraru
Makere ana ngā here.
E rere wairua, e rere
Ki ngā ao o te rangi
Whitiwhitia e te rā
Mahea ake ngā pōraruraru
Makere ana ngā here,
Makere ana ngā here.
Purea nei
Ko te aroha anō he wai
E pupū ake ana
He awa, he māpuna mai ana
I roto i te whatu manawa x2
Ko tōna mātāpuna he hōhonu
A ina ia ka rere anō x2
He tai timu
He tai pari
He tai ope
He tai roa
He tai nui x 3
Hei kai māhau te whetū,
Hei kai māhau te marama,
Piki tonu, heke tonu, ika-roa ki te rangi,
Hī auē, Hī!
Tukitukia - Tukarere,
Tukitukia - tukua kia rere,
Ka rarapa ki te rangi,
Te kanapu i raro rā
Tau, tau
Kī taurangi e!
Taku rākau e
Tau rawa ki te whare
Ka ngaro a Takahi e
Te whare o te kahikātoa
Hei ngau whakapae
Hei whakapae ururoa e hau mai nei
Kei waho kei te moana
Kāore aku mihi e
Aku tangi mō koutou
Mau puku ko te iwi e
Ka mōwai tonu te whenua
E takoto nei
E koutou, e Te Aumangea
Kei hea koutou hei āki
I ngā hau kino o te wā
I te wao tapu nui a Tāne
Urutapu ana, ururua ana
Matomato ana te tipu mai O te kahikātoa
O te tōtara haemata
Nō te hinganga, Tūpapahū ana te whenua Kua kore koutou kei hea
he taunga mō te manu kaewa
Kurupākara ana tērā te māra a Tāne
I te pekī, i te tīhau a ngā manu
Kua kore nei i tiu,
Kua kore nei i topa
Kia pātai noa ahau
Kei hea aku manu tīoriori
Aku manu taki, aku manu tāiko
I te kāhui e pōkaikaha nei
E koutou, e Te Aumangea
Kei hea koutou hei āki
I ngā hau kino o te wā
I te wao tapu nui a Tāne
Urutapu ana, ururua ana
Matomato ana te tipu mai O te kahikātoa
O te tōtara haemata
Nō te hinganga, Tūpapahū ana te whenua Kua kore koutou kei hea
he taunga mō te manu kaewa
Kurupākara ana tērā te māra a Tāne
I te pekī, i te tīhau a ngā manu
Kua kore nei i tiu,
Kua kore nei i topa
Kia pātai noa ahau
Kei hea aku manu tīoriori
Aku manu taki, aku manu tāiko
I te kāhui e pōkaikaha nei
Auē kia tīoriori noa mai ko te manu
Kia kōkī, kia ketekete mai anō ko te kākā
Kia kōrihi mai anō
Ko te kōparapara
I te pūaotanga o te rā
Te tangi kau nei te mapu
Tērā pea me kapo ko te mahara
Me kapo ko te kupu
Mā reira e tū mai anō ai he māhuri
E tiu anō ai, e korihi anō ai
Ngā manu o te wao
Auē kia tīoriori noa mai ko te manu
Kia kōkī, kia ketekete mai anō ko te kākā
Kia kōrihi mai anō
Ko te kōparapara
I te pūaotanga o te rā
Te tangi kau nei te mapu
Auē kia tīoriori noa mai ko te manu
Kia kōkī, kia ketekete mai anō ko te kākā
Kia kōrihi mai anō
Ko te kōparapara
I te pūaotanga o te rā
Te tangi kau nei te mapu
Tērā pea me kapo ko te mahara
Me kapo ko te kupu
Mā reira e tū mai anō ai he māhuri
E tiu anō ai, e korihi anō ai
Ngā manu o te wao
Auē kia tīoriori noa mai ko te manu
Kia kōkī, kia ketekete mai anō ko te kākā
Kia kōrihi mai anō
Ko te kōparapara
I te pūaotanga o te rā
Te tangi kau nei te mapu
Tērā pea me kapo ko te mahara
Me kapo ko te kupu
Mā reira e tū mai anō ai he māhuri
E tiu anō ai, e korihi anō ai
Ngā manu o te wao, o te wā, o te wā…huuuu!!!
Tangi a te ruru, kei te hokihoki mai e. E whaka-whero-whero i te putahitanga. Nāku nei ra koe i tuku kia haere. Tēra puritia iho nui rawa te aroha e.
Te Hokinga Mai, tēna koutou Tangi ana te ngākau
i te aroha Tū tonu ra te mana te ihi o nga tupuna kua wehe atu rā
Mauria mai te mauri tangata hei oranga mo te mōrehu tangi mōkai nei E rapu ana i te ara tika mo tātou katoa.
Te Hokinga Mai, Te Hokinga Mai Tū tangata tonu!
E tō mātou Mātua Nui i Te Rangi
Kia tapu tōu ingoa
Kia tae mai tōu rangatiratanga Kia meatia tau e pai ai ki runga i te
whenua
Kia rite anō ki tō te rangi Homai ki a mātou āianei He taro mō mātou mō tēnei rā
Murua ō mātou Hara Me mātou hoki e muru nei I ō te hunga e hara ana ki a mātou Kaua hoki mātou e kawea kia
whakawaia
Engari whakaorangia mātou i te kino
Nōu hoki te rangatiratanga Te kaha me te korokia
Ake ake ake Āmine
He aha kei te mata o te ārero
E wheowheo nei te kiri e
E whakaihi ana i taku wairua
Pupuri ai ki te ake
Kei taku reo whakahiamō e
E kore koe e tukua ki te mate ā moa
Kōrerotia ai koe e ora tonu ai
I ngā wā katoa
(Kōrerotia te reo, hi auē, Hi!)
Tēnei au, tēnei au Ko te hōkai nei o taku tapuwae Ko te hōkai nuku Ko te hōkai rangi Ko te hōkai a tō tīpuna A Tāne nui a Rangi I pikitia ai i ngā Rangi Tuhaha Ki te tihi o Manono
I rokohina atu rā Ko Io Matua Kore anake I riro iho ai Ngā kete o te wānanga Ko te kete Tuauri Ko te kete Tuatea Ko te kete Aronui Ka tiritiria, ka poupoua kia Papatuānuku Ka puta te ira tangata Ki te whai ao Ki te ao mārama
Tēnei te aroha ka piki ki te nui
Kei hea koia hei taahu hei piringa mō te kūkū
E whaea mā, e pā mā, tirohia tonu tia
Kua riro rā te momo, te tangata
Kua riro kei Paerau, ki te Reinga, kei te pouritanga
E hahau ana, e tangi ana ki te ao mārama
Ki ngā maunga, ki ngā moana, ki ngā whare kōrero
E tangi kau ana te mapu e
Tēnei au, e te aroha nei, te tangi nei ki runga o Rangiuru
Whakamau ana te titiro atu ki runga o Maketū
E haruru ana, e papaki ana ngā tai o te moana
Koia pea nāna nei i tukituki ngā wairua haere
A ka riro ki te pō
Aku pikitanga, aku heketanga i runga o te Kaharoa
Ngā takahanga, ngā nohoanga o tini tūpuna
A ko te Mangakino, ko Ngāenganui kei roto ko Waiari
Ko Parawhenuamea te pukaitanga o ngā taniwha
Kei Kenana te moengaroa o Ngāti Moko o Tapuika me Tūhourangi e
Tērā te haeata hapai ana mai Mehemea ko te tau tēnei ka ora mai E Tia rongonui e te taha o te rangi Taku ate ōki rā, taku piki kōtuku Waiho ki muri nei, ka rū te whenua Ka tūmu ngā tai i roto o Kaituna Taku koa rā te uira o te rangi Whakahoki rua ana, i runga o Rangiuru Ko te tohu o te mate nā!!
Tōku reo, tōku ohooho māpihi maurea whakakaimārihi
Nei rā te kaupapa ko Te Reo Māori e
He taonga tuku iho nō ngā tīpuna
He parekawakawa, he mea hirahira e
Tōku reo, tōku ohooho, māpihi maurea, whakakaimarihi
Kōrerotia te reo i ngā wā katoa
Kia kore e rite ki te Moa
Mana tangata, mana motuhake
Tōku reo, tōku ohooho, māpihi maurea, whakakaimarihi,
Mārihi
Nei rā te kaupapa ko Te Reo Māori e
He taonga tuku iho nō ngā tīpuna
He parekawakawa, he mea hirahira e
Tōku reo, tōku ohooho, māpihi maurea, whakakaimārihi
Kōrerotia te reo i ngā wā katoa
Kia kore e rite ki te Moa
Mana tangata, mana motuhake.
Tōku reo, tōku ohooho, māpihi maurea, whakakaimarihi
Tōku reo, tōku ohooho, māpihi maurea, whakakaimarihi
Tūtira mai ngā iwi
Tātou tātou e
Tūtira mai ngā iwi
Tātou tātou e
Whāia te māramatanga
Me te aroha e ngā iwi
Kia tapatahi ki a kotahi rā
Tātou tātou e
Te Whānau Poutirirangiora a Papa Te Whānau Poutirirangiora a Papa Tōna moko te tītoki I poua ka tiritia ki Te Puke O Papatūānuku Hei tauira ake e
Ka tipu ka puta Ka tipu ka puta E ngā mana O Tāwhirimātea Ngā tamariki I riro i a ia e
Te whiti te ua Te whiti te ua te hau Te kuru o te mārama Ngā hau awhio Te kohu te huka Tū tonu tītoki e
Tā whiwhi ana iho Tā whiwhi ana iho Purea ana rau Te hinu kākano Hei tahi i ngā poke Tauira mō te ora e
Te ika pounamu Te ika pounamu O te moana o Toi Te mauri e puri nei Te mana i te wehi Te ihi i te tapu Te kura hauora e
Te kāwanatanga Te kāwanatanga i paihere ai Ngā iwi e rua I mokotia ai I te tau tahi mano iwa rau Ngāti Manawa e
Nō reira e te iwi Nō reira e te iwi Pupuritia te kotahitanga O Ihoa o ngā mano Tihei mauri ora e
Wairua tapu tau mai rā Wairua tapu mai runga Uhia mai ngā taonga pai Homai tō aroha
Wairua tapu tau mai rā Wairua tapu mai runga Uhia mai ngā taonga pai Homai tō aroha
Wāhia, kia tika
Akona mai rā kia ū ki te pai Horoia, kia mau tonu rā Mōhou te tino kororia
Wairua tapu tau mai rā x 3
Whakarongo!
Ki te reo Māori e karanga nei
Whakarongo!
Ki ngā akoranga rangatira
Nā te Atuai tuku iho ki a tātou e
Pupuritia, kōrerotia mō ake tonu
Tirohia!
Ngā tikanga tapu a ngā tīpuna
Kapohia
Hei oranga ngākau – auē
Whiua ki te āō
Whiua ki te rangi
Whiua ki ngā iwi katoa
Kaua rawa rā e tukua e kia memeha e
Whakarongo!
Ki te reo Māori e karanga nei
Whakarongo!
Ki ngā akoranga rangatira
Tēnā kia purea te hau ora e
Hē kupu tuku iho
mō tēnei reanga
He kupu tuku iho
mō tēnei reanga
Whakarongo!
Tō reo whakarongo!
Whakataka te hau ki te uru
Whakataka te hau ki te tonga
Kia mākinakina ki uta
Kia mātaratara ki tai
E hī ake ana te atākura
He tio! He huka! He hauhunga!
Tihei Mauri Ora
Whakataurangi ake te here
I taku ate, pupū ake nei
Te mauri o te arohā
Hei hononga ki te iwi
Kua whakangaro
Ki te pō te pō uriuri
Ki te pō i oti atu
Kei whakaoati i herea
Ki te rangi hei huarahi atu
Tihei mauri ora