E te Atua, e whakawhetai ana mātou

Ki koe mō āu manaakitanga katoa

I tukua mai ki runga i a mātou

Ngā mea tika, ngā mea pono

Otirā tōu arohā nui ki a mātou

Korōria ki tōu ingoa tapu

Āmene

He hōnore, he korōria ki te Atua He maungarongo ki te whenua He whakaaro pai ki ngā tāngata katoa Hangaia e te Atua he ngākau hou Ki roto, ki tēnā, ki tēnā o mātou Whakatōngia tō wairua tapu Hei āwhina, hei tohutohu i a mātou Hei ako hoki i ngā mahi mō tēnei rā Āmine

Ka whakairia te tapu

Kia wātea ai te ara

Kia turuki whakataha ai

Kia turuki whakataha ai

Haumi e, hui e

Tauiki e

Kia tau Ki a tatou katoa Te atawhai O tò tatou Ariki A lhu Karaiti Me te aroha O te Atua Me te whiwhingatahitanga Kite wairua tapu Ake, ake, ake, Amine

E tō mātou Matua i te rangi Kia tapu tō ingoa Kia tae mai tō rangatiratanga Kia meatia tāu e pai ai Ki runga ki te whenua Kia rite anō ki tō te rangi Homai ki a mātou āianei He taro mā mātou mō tēnei rā Murua ō mātou hara Me mātou hoki e muru nei I ngā hara o te hunga E hara ana ki a mātou Āua hoki mātou e kawea Kia whakawaia Engari whakaorangia mātou i te kino Nōu hoki te rangatiratanga Te kaha me te korōria Āke, āke, āke - Āmine

Mānawa mai ai te putanga o tēnei ariki

Mānawa mai ai te ūnga o tēnei tauira

Ka eke te reo ki runga,

Ka eke ki Maunganui

Ka poua ki raro,

Ka poua ki Tauranga,

Te pou tū nui, te pou tū roa,

Te pou o tēnei kaupapa ka mau,

Ka whēuka, ka īta...

Tēnei te whatu kei a au,

Te whatu kei a koe,

Te reo tu te whiwhi ā nuku,

Te reo tū te whiwhi a rangi,

Kei te whiwhia i waho,

Kei te rapua i roto,

Puritia mai i waho,

Tāwhia mai i roto,

Tēnei te mauri o te reo ka whakapiki,

Tēnei te mauri o te reo ka whakakake.

Ko te reo ka tipu, ka rea, ka pū,

Kei waho ki te whai ao,

Ki te ao marama,

Uhi, wero, haramai te mauri,

Haumi e, hui taiki e!

Nau mai e ngā hua o te wao, o te ngākina, O te wai tai, o te wai Māori. Nā Tāne Nā Rongo Nā Tangaroa Nā Maru Ko Ranginui e tū iho nei Ko Papatūānuku e takoto nei Tūturu o whiti ka whakamaua kia tīna! TĪNA! Hāumi e! Hui e! TĀIKI E!

E te Atua

Manaakitia mātou

Arahina mai

I ā mātou i roto i a mātou mahi

Mō tēnei rā

Korōria ki tōu ingoa tapu

Āmene

Pou hihiri Pou rāmarama Pou o te whakairo Pou o te tangata Te pou e here nei i a tātou Mauri ora kia tātou Haumi ē! Hui ē! Tāiki ē!

E te Atua

Tukua mai koa tōu korowai arohā

Ki runga i tēnei whare

Ki roto ki tēnei ruma

Tiakina mai koa e te Atua

Ngā tāngata e noho nei ki tēnei whare

Kia tau mai te rangimarie mē te arohānui

Ko koe rā tō mātou kaiwhakaora

Korōria ki tōu ingoa tapu

Āmene

E te Atua

Whakapaingia ēnei kai

Hei oranga mō o mātou tinana

Whāngaia hoki ō mātou wairua

Ki te taro o te ora

Ko koe rā tō mātou kaiwhakaora

Korōria ki tōu ingoa tapu

Āmene

E te Atua, tukua mai koa tōu korowai arohā

Ki runga i ngā kuia, mē ngā koroua

Rātou katoa e kaumātua ana

Kia piki te ora, kia piki te kaha

Kia piki anō te māramatanga

Ki runga i a rātou katoa

Korōria ki tōu ingoa tapu

Āmene

E Atua tukua koa ōu ringa manaaki

Ki runga i taku pēpi/tama/kōtiro

Kia pai ai tana moe, kia whakatā tōna tinana

Hei āpōpō e tōku Atua

Ka mauri oho, ka mauri tū

Ka mauri ora, ka mauri tau

Korōria ki tōu ingoa tapu

Āmene

E Atua tukua koa ōu ringa manaaki

Ki runga i aku tamariki katoa

Kia pai ai ā ratou moe, kia whakatā te tinana

Hei āpōpō e te Atua

Ka mauri oho, ka mauri tū

Ka mauri ora, ka mauri tau

Korōria ki tōu ingoa tapu

Āmene

Hā ki roto

Hā ki waho

Kia tau te mauri, e kokiri nei

I nga piki, me nga heke

Ko te rangimarie tāku e rapu nei

Tihei Mauri Ora

Mā te rā e kawe mai te ngoi ia rā, ia rā Mā te marama e whakaora i a koe i te pō Mā te ua e horoi ōu maharahara Mā te hau e pupuhi te pūkahukahu ki roto i tō tinana I roto i ōu hikotanga i te ao Kia tau te hūmārie me tōna ātaahua ki runga i a koe hei oranga tonutanga Mō ake tonu atu, Āmine